FjarHaus

FjarHaus er valkostur sem er sérstaklega hugsaður með það íþróttafólk í huga sem býr utan höfuðborgarsvæðisins eða landsteinanna og hefur ekki kost á að sækja tíma hjá Haus hugarþjálfun í Reykjavík. Boðið er uppá fjóra mismunandi þjálfunarpakka í FjarHaus auk hefðbundinna stakra ráðgjafatíma. Hér að neðan má lesa um þessa fimm valkosti sem í boði eru. Hafðu samband með tölvupósti á haus@haus.is ef þú hefur áhuga FjarHaus hjá Haus hugarþjálfun.

Markmiðasetning

Í þessum pakka er einstaklingnum fylgt í gegnum það ferli sem markmiðasetning er. Að lokinni þjálfuninni stendur viðskiptavinurinn uppi með yfirgripsmikla þekkingu á markmiðasetningu og skýr markmið í Excel skjölum sem hún/hann er tilbúin/n að fara að vinna að. Nokkrum vikum seinna skipuleggur íþróttasálfræðiráðgjafi svo eftirfylgni í samráði við viðskiptavininn.

Innifalið í pakkanum er:

5x 30 mínútna Skypefundir
3 markmiðasetningaskjöl í Excel sem íþróttasálfræðiráðgjafi yfirfer reglulega.
Íþróttasálfræðiráðgjafi svarar öllum tölvupóstum frá viðskiptavininum á virkum dögum innan klukkustundar.

Núvitundarþjálfun

Núvitundarþjálfun er einbeitingarþjálfun sem byggir á kenningum um núvitund. Einstaklingurinn lærir núvitundarhugleiðslu og hvernig hún getur haft áhrif á frammistöðu og vellíðan á íþróttavellinum. Vinnan byggir á bókinni The Psychology of Enhancing Human Performance; The Mindfulness – Acceptance – Commitment (MAC) Approach. Þetta er þjálfun sem hefur notið mikilla vinsælda hjá Haus hugarþjálfun.

Innifalið í pakkanum er:

4x 45 mínútna Skypefundir.
Æfingaáætlun
Eftirfylgni í formi 2 skriflegra skýrslna.
Íþróttasálfræðiráðgjafi svarar öllum tölvupóstum frá viðskiptavininum á virkum dögum innan klukkustundar.

Leiðtogaþjálfun

Leiðtogaþjálfun hjá Haus hugarþjálfun miðar að því að aðstoða ungt íþróttafólk við að styrkja hæfni sína til að vera leiðtogar í sínu íþróttaliði. Leiðtogaþjálfun er fyrir íþróttakonur og íþróttamenn sem vilja læra að verða góðir fyrirliðar og leiðtogar.

Innifalið í pakkanum er:

3x 30 mínútna Skypefundir.
Þjálfunarprógramm
Íþróttasálfræðiráðgjafi svarar öllum tölvupóstum frá viðskiptavininum á virkum dögum innan klukkustundar.

Góði liðsmaðurinn

Að vera góður liðsmaður er lykileiginleiki fyrir íþróttafólk í hópíþróttum. Það eru þeir einstaklingar sem búa yfir þessum eiginleika sem stuðla að sterkri liðsheild í sínum liðum. Þessi fjarþjálfunarpakki snýst um að styrkja þá hæfni íþróttafólks að vera góðir liðsmenn.

Innifalið í pakkanum er:

3x 30 mínútna Skypefundir
Þjálfunarprógramm
Íþróttasálfræðiráðgjafi svarar öllum tölvupóstum frá viðskiptavininum á virkum dögum innan klukkustundar.

Stakir ráðgjafatímar

Í stökum ráðgjafatímum gefst einstaklingum kostur á að ræða hvað sem er. Í þessum tímum geta einstaklingar borið á borð hugarfarslegar áskoranir sem þeir glíma við og fengið ráð um hverni eigi að sigrast á þeim áskorunum.

Tímarnir fara fram í gegnum Skype og eru 45-60 mínútna langir.

Verð: 6.800 kr

Ég tók einstaklingstíma í markmiðasetningu hjá Haus Hugarþjálfun í gegnum skype. Ég hafði sett mér ansi háleit markmið fyrir komandi áskorun í þríþraut en vantaði að fá álit og ráðleggingar frá fagmanni á þessu sviði. Hreiðar leiddi mig í gegnum hugmyndafræði varðandi markmiðasetningu sem ég hef ekki hugleitt áður. Ég er nú þegar byrjaður að tileinka mér þessa hugmyndafræði til þess að staldra við og njóta minnar leiðar að þeim markmiðum sem ég hef sett mér. Hreiðar kom einnig með gríðarlega góða punkta og ráðleggingar um hvernig ég sem einstaklingar gæti tæklað betur mótlæti sem ég verð fyrir á leið minni að mínu markmiði og hvaða hlutum ég stjórna og hvaða hlutum ég stjórna ekki. Hvort sem þú ert einstaklingur sem hefur sett þér markmið nú þegar og vantar einhvern til þess að skerpa á hlutunum, eða getur hreinlega ekki tekið fyrsta skrefið hvað varðar markmiðasetningu, þá er engin spurning að Hreiðar hjá Haus Hugarþjálfun er rétti maðurinn til þess að aðstoða þig.