Um Haus

Haus hugarþjálfun veitir íþróttafólki, íþróttaforeldrum, íþróttaþjálfurum og íþróttaliðum fræðslu og þjálfun um hvernig eigi að styrkja þá hugarfarslegu þætti sem eru grundvöllur árangurs og ánægju í íþróttum.

Haus hugarþjálfun býður upp á einstaklingsráðgjöf, fyrirlestra, námskeið og ítarlega vinnu með íþróttaliðum í gegnum keppnistímabil.

Haus hugarþjálfun er hugarfóstur og afrakstur vinnu hugarþjálfarans Hreiðars Haraldssonar.

Þekkinguna sem Hreiðar byggir sína vinnu á öðlaðist hann í BS námi í sálfræði í Háskóla Íslands sem hann kláraði árið 2011 og MS námi í íþróttasálfræði í Háskólanum í Lundi sem hann kláraði árið 2014. Auk þess hefur handboltaiðkun Hreiðars á öllum aldursstigum, handboltaþjálfun og fjögurra ára vinna sem íþróttasálfræðiráðgjafi reynst Hreiðari dýrmæt reynsla sem litar vinnu Hreiðars enn frekar af þekkingu á íþróttum og ýmsum hliðum þeirra

„Hreiðar kom inn með mjög markvissa vinnu í hugarþjálfun fyrir liðið mitt. Hann hjálpaði okkur mikið í því að fókusa á réttu hlutina með því að einbeita okkur að markmiðum og gildum sem hann hjálpaði okkur að setja upp. Hreiðar var með hópfundi og mjög árangusríka einstaklingsfundi sem gerðu mikið fyrir liðið og mig persónulega.“

„Andlegi þátturinn er klárlega það mikilvægasta ef þú ætlar þér að ná árangri. Hreiðar er fagmaður í sínu starfi, er mjög skipulagður, áhugasamur og það er mjög auðvelt að tala við hann sem skiptir öllu máli í þessu ferli.“